Kriibsen

Kriibsen
Kriibsen
Systematik
Räich: Déiereräich Ënnerräich: Metazoa Iwwerstamm: Urmünder Stamm: Arthropoden Ënnerstamm: Kriibsen
Wëssenschaftlechen Numm
Crustacea
Klassen
Sandkriibsen Remipedia Bladfousskriibsen Héijer Kriibsen Maxillopoda Zongewierm

D'Kriibsen (Crustacea) bilde mat op d'mannst 52.000 bekannten Aarten en Ënnerstamm vun den Arthropoden. Déi meescht dovu liewen am Mier.

Déi meescht Kriibse liewen am Mier, vill Aarten awer och am Séisswaasser an eng Rei souguer u Land.

Kriibsen ënnerscheede sech ganz däitlech an der Gréisst an um Kierperbau. Si hunn awer alleguer e Baussesklett, dee si fir ze wuesse vun Zäit zu Zäit ofhaite mussen, an zwee Puer Antennen. Vill vun hinnen hu Komplexaen. Si ootme meeschtens duerch hir Kimen un de Been. Verschidde Kriibsaarten hu speziell Bee fir ze schwammen. Zéngfousskriibsen hunn dacks vir Schéieren amplaz Been. Hire Kreeslaf ass op an hiert Blutt (Hämolymphe) fléisst bei de groussen Aarten duerch de Kierper an d'Häerz zeréck. D'Nervesystem besteet aus Kniet.

• Ënnerstamm Kriibsdéieren
  • Klass Sandkriibsen (Cephalocarida)
  • Klass Remipedia
  • Klass Blatfousskriibsen (Branchiopoda)
    • Kimefousskriibsen (Anostraca)
    • Echt Blatfousskriibsen (Phyllopoda)
  • Klass Maxillopoda
    • Kaarpelais (Branchiura)
    • Mystacocarida
    • Tantulocarida
    • Ascothoracida
    • Rankfousskriibsen (Cirripedia)
    • Rudderfousskriibsen (Copepoda)
  • Klass Muschelkriibsen (Ostracoda)
  • Klass Héijer Kriibsen (Malacostraca)
    • Leptostraca oder Phyllocarida
    • Hoplocarida
    • Eumalacostraca
      • Zéngfousskriibsen (Decapoda) mat den Aarten Homard a Langust

• Joel W. Martin & George E. Davis: An updated classification of the Recent Crustacea, 2001, Science Series 39 vum Natural History Museum of Los Angeles County, 132 Säiten.

Commons: Crustacea – Biller, Videoen oder Audiodateien

• crustacea.nhm.org