Kevin Garnett
Kevin Maurice Garnett (f. 19. maí 1976 í Mauldin, Suður Karólínu) er bandarískur fyrrum körfuknattleiksmaður sem spilaði í NBA deildinni. Hann er 2,11 metra hár og spilaði sem kraftframherji. Hann lék með Minnesota Timberwolves árin 1995-2007 en var skipt til Boston Celtics sumarið 2007 þar sem hann vann titil árið 2008. Hann spilaði með Brooklyn Nets frá 2013-2015 áður en hann kláraði ferilinn með Minnesota árið 2017. Garnett er 18. stigahæsti leikmaður NBA frá upphafi.
