Universidade de Tilburg

Universidade de Tilburg
Datos xerais
Datos actuais
Datos de contacto
	[ editar datos en Wikidata ]

A Universidade de Tilburg (en inglés: Tilburg University) é unha universidade pública neerlandesa especializada nos campos da Administración, Artes, Ciencias Sociais, Dereito, Economía e Humanidades, localizada na cidade de Tilburg, parte da provincia de Brabante do Norte, no sur dos Países Baixos.

A institución gañou unha reputación tanto na investigación como na docencia a nivel mundial. No ámbito de publicacións académicas, Research Papers in Economics clasificou a súa Facultade de Economía e Administración de Empresas como o 23° departamento de investigación máis produtivo do mundo e o 6º de Europa.^[1] Segundo a Clasificación Shanghái 2020, a Universidade de Tilburg ocupa o lugar 6° no campo da Administración de Empresas e o 24° no campo das Finanzas en todo o mundo.^[2]^[3] No campo do dereito, a Universidade de Tilburg obtén o lugar 28° do mundo e 2° nos Países Baixos de acordo á clasificación académica de universidades do THE 2021.^[4] Ademais, a Facultade de Ciencias Sociais e do Comportamento ofrece un programa único de máster en Psicoloxía Médica de dous anos de duración (impartido en neerlandés), no que os estudantes se forman como profesionais científicos no campo médico.

Historia

A Universidade foi fundada en 1927. Nun principio foi exclusivamente unha escola de Administración e Dirección de Empresas. Posteriormente, fóronse incorporando facultades como a de Dereito (establecida en 1963), Ciencias Sociais e do Comportamento (tamén en 1963), Teoloxía e Filosofía (1967) e por último, a escola de Arte (1981).

A pesar do crecemento doutras facultades, a Administración e Dirección de Empresas segue a ser a maior de todas as que compoñen a universidade por número de estudantes.